‘चाचू गिरधारी’ दे नांए ते मसहूर देसराज डोगरा: यशपाल होरां नै मिलणे परन्त कहाणीकार बणे, पियूष डोगरा दी सलाह मन्नी के बणी गे पहाड़ी कवि  

धर्मशाला ते वीरेंद्र शर्मा ‘वीर’ दी रिपोर्ट

म्हाचली पहाड़ी भासा मिठड़ी कनै बड़ी प्यारी भासा ऐ। इक्क समा था पई हर माहणु इसा कन्नै बड़ा प्यार करदा था, पर बदलोंदे समे सौगी सब बदलोआ करदा। म्हाचली पहाडि़यिा दे चतेरे लखारी। माहणु लम्में समे तिक्कर अपणेयां लेखां/ कहाणियां कवतां दी राहीं छौं बखेरी अपणे हिस्से दी सियोआ करी पराणेयां पिपळां/ बड़ीं देयां बूटेयां साईं डाळू- डाळू करी सुकदे जा करदे कनै ग्रेजियां च जागणे-सौणे, खाणे-पीणे, बोलणे हंडणे आळेयां कनै पराणे बजुरुगां/ परंपरां कनै संस्कारां ते दूर हुंदी पीढ़ी टेढ़ मटेढ़े बेतरतीब रुखां साईं पनपदी जा करदी।‘हिमभारती’ दी रूपरेखा बणाई, पहाडिय़ा दी अलख जगाई, हिमाचल प्रदेश भासा, कला एवं संस्कृति अकादमी दे पहले सचिव हरि चंद पराशर दा ‘पहाड़ी शब्दकोश’ च बड्डा योगदान

बड्डे जिमीदार दे घरैं जन्म
उन्हां समेयां दी गल्ल ऐ देस गुलामी दियां जंजीरां जकड़ोया था। सुतंरता आंदोलन च हर घरे ते कोई न कोई खुसी-खुसी हिस्सा था लेया करदा। पहाड़ बि इसते अछूता नी था। तसील देहरा गोपीपुर दे धमेटा ग्रांए दे नवासी तिस जमाने दे म्हाचली पहाड़ी भासा दे मसहूर लखारी ऋषदेव डोगरा दे परुआरे चा कनै सुतंतरता सेनानी कनै कवि हरनामदास डोगरा दे बड्डे भाऊ मूहर्ले सुतंतरता सेनानी कनै लाके दे बड्डे जिमीदार सुखलाल डोगरा दे घरैं धार्मिक बचारां दी मालकण माता जानकी देवी दिया कुखा ते 28 सितंबर 1924 दै सुभ ध्याडैं़ जन्म लेया देसराज डोगरा होरां।कहीं भूरी सिंह संग्रहालय की गैलरियों तक सिमट कर न रह जाए चंबा की पुरातन धातुकला, उनके पुरखों ने बनाईं धातु की कलाकृतियां बेशुमार  अब ‘सैंडकास्टिंग’ को सहेज रहे सिर्फ हैं दो परिवार

पढ़ी के नौकरी करणा गे बुंबई
घरैं कवतां लिखणे गाणे कनै देसे दी सुतंतरता ताई जंग लडऩे दा महौल था। हालांकि तिन्हां कोई हिस्सा नी लेया पर तिस महौलैं तिन्हां जो मुखर बणाई ता। पढऩे जो स्याहर देसराज डोगरा दी मूहर्ली पढ़ाई धमेटा होई। दसमीं करी के योलकैंट बोर्ड च क्लर्क दिया नौकरिया लगी गे। देस आजाद होई गेया था। मन नी लग्गा तौळी ई नौकरिया छड्डी धर्मशाला कॉलेज ते बीए कित्ती कनै फिरी एमए अंग्रेजी पंजाब विश्वविद्यालय चंडीगढ़ ते कित्ती, कनै नौकरी करने ताईं बंबई चली गए।15 वर्षों में लिखे कई फेमस हिमाचली, हिंदी और पंजाबी गाने, गीतों के माध्यम से भाषा के बंधन को तोड़ने का प्रयास, सौ हिट गीतों के राइटर डॉ गौरव ठाकुर पेशे से गौरव आयुर्वेदिक डॉक्टर

‘कांगड़ा मित्र मंडल’ दी स्थापना
सन् 1955-1956 दी गल्ल ऐ। बंबई तिन्हां दी मुलाकात मसहूर क्रांतिकारी कनै लखारी यशपाल कन्नै होई। बीतदे समे कनै बधदियां मुलाकातां नै पारिवारिक कनै दोस्तिया दी डोर होर पक्की हुंदी गई। यशपाल होरां नै मिलणे परन्त डोगरा होरां अंदर कहाणीकार जम्मेया कनै बडरोया। यशपाल होरा दे करी मन्म नाथ गुप्त सरीखे मते सुतंतरता सनानियां नें बि मुलाकात होई। तिस समैं बंबई च कांगड़े दे मते लोक कम्म करदे थे,इस करी तिन्हीं ‘कांगड़ा मित्र मंडल’ दा नी पत्थर रक्खेया। एह ई कांगड़ा मित्र मंडल गांह चल्ली के ‘हिमाचल मित्र मंडलÓ बणेया। संस्थापक दे तौर पर तिन्हां जो याद कित्ता जांदा।‘पहाड़ी मृणाल’: बंदा कमाल, लिक्खिेया बेमिसाल, चंद्रमणि वशिष्ठ होरां सन 1958 च कित्ती सिरमौर कला संगम दी स्थापना, लोक साहित्य ताईं योगदान

कैरों करदे थे कम्मे दा जिकर
बंबई ते हटे कनै पंजाब सरकारा दे नहर पभाग नंगल भर्ती होई गे। प्रशासनिक सेवा दा मत्याह्न पास करी के बीडीओ बणी के नौकरी शुरू करी ती। किछ समा दरांगळा पंजाब च बि रेह। सैह अपणे कम्म कनै सख्तायाइया नै करने दे तरीके करी इतणे मसहूर होई गे पई पंजाब दे ताहलकणे मुख्यमंत्री प्रताप सिंह कैरों होरां आम जनसभा च अक्सर तिन्हां दा कनै तिन्हां दे कम्मे दा जिकर करदे थे। पंजाब ते लग्ग होई हरियाणा कनै म्हाचल बणे तां म्हाचल दे भोटा बतौर भू-अधिग्रहण अधिकारी आई गए। फिरी सुजानपुर, चंबा, सलूणी, चिडग़ांव, कुल्लू कने कांगड़ा रेह। देस सिओआ करी सन 1981 च रटैर होए।‘चौधरी’ का कमाल, शिक्षा की जलाई मशाल : एक ऐसा जागीरदार जिसने 1905 के भूंकप प्रभावितों की मदद की, तत्कालीन पंजाब गवर्नर ने दिया था राय बहादुर का खिताब

जित्थु रेह, संस्था बणाई
देसराज डोगरा होरां नंगल रेह तां नंगळ हितकारिणी सभा, अमृतसर नेडैं बाबा बकाळा  रेह तां कांगड़ा सभा अमृतसर, हिमाचल साहित्यकार परिषद, कांगड़ा साहित्य एवं कला मंच, हिमाचल सोशल बॉडी फेडरेशन, इंडो तिब्बतियन फ्रेंडशिप सोसाइटी दे संस्थापक सचिव रेह। हिमाचल कल्याण सभा कन्नै जुड़े।  हिमाचल सहकार आंदोलन चल्ला तां  सभा दे कांगड़ा चैप्टर दे चेयरमैन रेह।

भाषा अकादमी दे सदस्य
देसराज डोगरा हिमाचल कला संस्कृति भाषा अकादमी दे 1977-1982 सदस्य रेह। ‘दर्द धमेटवीÓ दे नां ते कहाणियां लिखदे थे। कहाणियां च सत्य नरायण कथा, लालुए दी समाध, नूरां (पहाड़ी भासा) सुलगती राख, समस्या का अंत, भले लोग (हिंदी) अपणे कथानक, भासा च कसावट/शिल्प करी बडियां मसहूर होइयां। पंग्वाल, गद्दी, गुज्जर, मलाणा देयां वासियां पर शोध लेख लिखे।पुस्तक समीक्षा : समाज की चिंताओं को उद्घाटित करती हैं मनोज चौहान की ‘पत्थर तोड़ती औरत’

गुलेरी होरां दे बोलणे पर प्हाड़ी च कवता
सन् 1969 दी गल्ल ऐ, डोगरा होरां गुलेर थे आयो तां डॉ. पियूष गुलेरी होरां बोल्या पई मामू जी तुहां पहाडिय़ा च कवता कैं नी लिखदे। बस फिरी क्या था करीब तीह-पैंती कहाणियां लिखणे ते बाद दर्द धमेटवी दे नाएं ते कवता लिखणा सुरू करी ती कनै पिच्छैं मुड़ी के नी दिक्खेया। हिमाचल अकादमी दे सांझे संकलन ‘सीरली भ्याग’ कहाणी संग्रह दा सफल संपादन कित्ता।’ हमीर पत्रिका’ दा सालां बद्धा संपादन करी लग्ग छवि बणाई। म्हचली पहाड़ी जो भासा दे रूप ताईं ल्योणे दिया लड़ाइयां दुरान तिन्हां दिया इक्की कवतां दियां दो  लैणी बडियां मसहूर होइयां-
असां पहाड़ी उच्ची रखणी
असां क्याड़ी उच्ची रखणी।शिक्षा व्यवस्था पर लेखिका रुचि शर्मा के विचार, ‘प्रताड़ना का आधार बनती वर्तमान शिक्षा पद्धति’

पहाडिय़ा दिया लड़ाइयां दे सपाही
जनजातीय लाकेयां ,मतियां भसां दी डुग्घी जाणकारी थी पर पैहला प्यार म्हाचली पहाड़ी नै इ रेह्या। सैह म्हाचली पहाड़ी जो संविधान दी अठमीं अनुसूची च सामल करुआणे ताईं संघर्ष दे अगुआ बि थे। इस करी इक देह्यी सोच होणे करी लालचंद प्रार्थी, नारायण चंद पराशर गूढ़े  मित्र रेह, इक्की दूए जो चिटि्ठयां लिखदे थे। डोगरां होरां दूरे रिस्ते च गुलेरी बंधुआं डॉ. पियूष गुलेरी /नंद किशोर परिमल/महन्त गिरधर योगेश्वर, डॉ. प्रत्यूष गुलेरी, बृजेश कनैं गिरीश गुलेरी होरां दे चाचा लगदे हन। सैह जाहलु बि गुलेर औंदे तां सारे टब्बरे जो सौगी बठयाली रात-रात भर कहाणियां जरूर सुणांदे कनै राय लई सुधार करदे। सन् 1953 च सत्य नारायण कथा सुणाई इसा कथा सुणाणे परन्त न्याणेयां च कहाणियां आळे चाचा करी मसहूर होई गे। फिरी गांह चल्ली के गुलेरी बंधुआं दे मित्र मनोहर सागर पालमपुरी होरां बि ‘चाचू’ लगी पे गलाणा। हौळैं-हौळैं सारे साहित्यकार चाचू ही गलाई गलांदे।जर्मन भाषा में भी पढ़ी जाती हैं गुरमीत बेदी की कविताएं, ‘मेरी ही कोई आकृति’ को जर्मनी की कवियत्री रोजविटा ने जर्मनी में किया है अनुवाद

नीं छपी पाई कोई कताब
चाचू गिरधारी जितणे तेज कम्म कराणे ताई थे, अपणे ताईं उतणे ई ढिल्ले-सब सुख सुबधा, टैम होणे बावजूद, मित्रां दे बोलणे बावजूद आळसे करी अपणी कोई कताब नी छाप्पी सके। दो पांडुलिपियां बणाइंया थियां। इक्क तां तिन्हां दे बेटे दीपक होरां डॉ. शम्मी शर्मा होरां जो दित्ती पई दिक्खी लैन्यों। डॉ. शम्मी शर्मा होरां दे सताबी जाणे ते बाद कनै दीपक होरां दे आलस करी पता नी तिसा दा क्या बणेया, दूई पांडुलिपि कहाणियां दी डॉ. पियूष गुलेरी होरां जो संपादित करने ताईं दित्तियो। हण पैहलें तां कि_े बैठी के गलोणे/ सलाह मसबरा करने कनै टैम लाणे ताई दूनी भाऊआं कै टैम नी। दुआ पिछले काफी लम्में समे ते डॉ. पियूष गुलेरी होरां बुमार हन्न अपर फिरी बि गलांदे पई परुआरे दा कोई माहणु औए तां गल्ल करिए। बुढ़ापे की सांझ में नितांत अकेले रोगों से लड़ते वयोवृद साहित्यकार जयदेव विद्रोही ने ‘फोकस हिमाचल’ के विशेष अनुरोध पर लिखी अपने मन की बात

कताब  न छपुआणे दा गम लेई होए विदा
अपना पोथु जां कताब छपुआणे दा गम बि तिन्हां जो था। तिन्हां दे सुरगबास ते किछ दिन पैहलैं ई नवीन हल्दूणवी कनै संसार चंद प्रभाकर मिलणा गे तां तिन्हां कन्नै बि एह गलाया पई छोटिया उमरा च ही घरेआली सुरगवासी होई गई तां मि मैं सम्हलोई गेया। मता लिखेया कनै सब गम भुल्ली गेया पर एह सब किछ हुंदे सरुंधेयां इक बि पोथु नी छाप्पी सकणे दा दुख सहन नी हुंदा। पर हुण टैम नी रेह्या। इंतकाल ते त्रै के दिन पैहलैं यशपाल होरां दे बेटे आनन्द कन्नै बि एह ई गल्ल बोली। कनै डॉ. पियूष गुलेरी होरां जो फोन करी के बि सताबी मिलणे जो साद्दा दित्ता। पर होणिया कुण टाळी सकेया। सब गल्लां ठीक पर मित्रां ताईं जान छिडकणे आणा माहणु, सुन्ने साईं कीमती लखारी 74 सालां दिया उमरा च चाचू गिरधारी 21 मार्च 2001 आळैं दिन दिले दा दौरा पौणे करी नश्वर शरीर छड्डी चली गेया।रचनाकार – करुणा और श्रृंगार रस के कवि गणेश गनी

 चाचू गिरधारी दे नांए ते होए मसहूर
किछ समे बाद जाहलु लम्मी समाजक अमर कवता  ‘चाचू गिरधारीÓ लिखी तां देसराज डोगरा ‘दर्द धमेटवीÓ चौं पासेयां कवता सौगी चाचू गिरधारी दे नाएं मसहूर होई गए। गरीब गुरबेया दे हमदर्द, नौएंया लखारियां दे मददगार डोगरा होरां मतियां जगहां  सफल साहित्यिक आयोजित करी अपणी संगठन शक्ति दा लोहा मनुआया। तिन्हा दी  ‘नूरांÓ नाएं दी पहाड़ी च लिखी कहाणियां दा उड़दू च अनुवाद मनोहर सागर पालमपुरी नै कित्तेया।

देसराज डोगरा दी सबतों मशहूर कवता
चाचू गिरधारी
हत्थैं सोठी ठुळ-ठुळ करदा
कुचले घोड़े साहईं चलदा
पैरैं बियाड़ा हत्थैं छाल्ले
हाक्खीं दुखियां जाह्नु सड़दा
परतणियां की कस्सी-कस्सी
मडय़ासे जो फेरा करदा
मंगी छुग्गी गैसण ढोई
चल्या ऐ सैंह साहे भरदा
एह सारी जायदाद कमाई लेई टपरुए राती बड़दा
खिंद-खंदोलु ओढण-ओढी
किल्ही- कळपी भियाग ए करदा
जीणा होया जिसदा भारी
सैह मेरा चाचू गिरधारी

माऊ दा था एह बि जाया
इस पर भी था जोबन छाया
पर उसदी बेअन्त ऐ माया
बदली इसदी कदी न काया
लौहका था मजदूरी कीत्ती
बड्डा होया तां बुचका बाह्या
किछ दिन पट्ट अखाड़ें ठोरे
किछ दिन इन्नी खेत्तर बाह्या
किछ दिन इन्नी खरल खरोले
भूत बर्दगिया दा था छाह्या
ठेठ जुआन्नी इह्यां बीती
मिल्ली इसजो कदी न माया
रेह्यी जिस जो सदा लाचारी
सैह मेरा चाचू गिरधारी

कितणां इन्नी धन्न कमाया
कितणां इन्नी खादा लाया
तिसदा दसना में हिसाब
धियान देई करी सुणो जनाब
सौ गज्ज कपड़ा तेहरा साफे
बत्ती सुथणु तेती जुट्टे
सौ मण छल्ली सठ मण धान
बारह मंजे टुट्टे फुट्टे
पंजीह मण तम्माकू पीता
टाकियां-टाकियां कोट बि सीत्ता
दो हजार रुपये कमाए
सैह भी पिंड पड़ोसैं खाए
इदा रेह्या एही हाल
इहियां बीते सत्तर साल
सारे बोहल्ण मत ए मारी
सैह मेरा चाचू गिरधारी